კონფიდენციალურობის პოლიტიკა

ეს პოლიტიკა აღწერს, რა პერსონალურ მონაცემებს ვამუშავებთ, რისთვის, ვის ვუზიარებთ და რა უფლებები გაქვთ. მონაცემებს „პერსონალურ მონაცემთა დაცვის შესახებ" საქართველოს კანონის შესაბამისად ვამუშავებთ.

ვინ ამუშავებს მონაცემებს

მონაცემთა დამუშავებაზე პასუხისმგებელია შპს „ქლაუდ მარკეტი 01" (საიდენტიფიკაციო კოდი 400359795, საქართველო, თბილისი), რომელიც ონლაინ მაღაზიას ქლაუდ მარკეტი ამ საიტზე მართავს. კითხვები და მოთხოვნები გამოგვიგზავნეთ კონტაქტის გვერდიდან.

რა მონაცემებს ვაგროვებთ

• ანგარიში: სახელი, გვარი, ტელეფონის ნომერი და პაროლი (დაშიფრული სახით — თავად პაროლს ვერ ვხედავთ).
• შეკვეთა: მიმღების სახელი, ტელეფონი, მიწოდების მისამართი, ფიზიკური პირის პირადი ნომერი; იურიდიული პირისთვის — კომპანიის დასახელება, საიდენტიფიკაციო კოდი და, სურვილისამებრ, ელფოსტა.
• გადახდა: ბარათის მონაცემებს ბანკის გვერდზე უთითებთ — ჩვენ ისინი არ გვხვდება. ბანკისგან მხოლოდ გადახდის შედეგს ვიღებთ.
• მიმოწერა: ის, რასაც თავად გვწერთ.
• საიტის გამოყენება: ანონიმური სტატისტიკა — ქვემოთ, „ქუქიები და სტატისტიკა".

რისთვის ვიყენებთ

• შეკვეთის დამუშავება, გადახდა და მიწოდება;
• ტელეფონის ნომრის დადასტურება და ანგარიშის დაცვა SMS კოდით;
• შეკვეთის სტატუსის შეტყობინება, დაბრუნებისა და საგარანტიო მომსახურება;
• კანონით დაკისრებული მოვალეობების შესრულება (მაგალითად, საბუღალტრო აღრიცხვა);
• თაღლითობისა და საიტის არამართლზომიერი გამოყენების აღკვეთა;
• საიტის გაუმჯობესება ანონიმური სტატისტიკით;
• აქციებისა და სიახლეების შეტყობინება — მხოლოდ თქვენი თანხმობით.

ვის ვუზიარებთ

მონაცემებს არ ვყიდით. ვუზიარებთ მხოლოდ იმდენს, რამდენიც მომსახურებისთვისაა აუცილებელი:

• საკურიერო კომპანია EasyWay — მიმღების სახელი, ტელეფონი, მისამართი, პირადი ნომერი და ამანათის მონაცემები, მიწოდების მიზნით;
• ბანკი და გადახდის სისტემა — შეკვეთის თანხა და ნომერი, გადახდის დასამუშავებლად;
• SMS სერვისი — ტელეფონის ნომერი, დადასტურების კოდისა და შეკვეთის შეტყობინებების გასაგზავნად;
• სახელმწიფო ორგანოები — მხოლოდ კანონით გათვალისწინებულ შემთხვევაში.

ქუქიები და სტატისტიკა

საიტი იყენებს ქუქიებს (cookies). აუცილებელი ქუქიების გარეშე კალათა და ანგარიში ვერ იმუშავებს:

• cm_sid პიროვნებას არ ადგენს და მომდევნო ვიზიტებს არ უკავშირდება.
• „მხოლოდ საჭიროს" არჩევისას cm_vid იშლება. არჩევანის შეცვლა ნებისმიერ დროს შეგიძლიათ.
• IP მისამართს არ ვინახავთ — ქვეყანას ქსელის მომწოდებელი განსაზღვრავს.
• სტატისტიკა მხოლოდ ჩვენს სერვერზე ინახება, მესამე მხარის ანალიტიკურ სერვისებს არ ვიყენებთ. სტატისტიკის შენახვის ვადა 13 თვეა.
• რჩეულები და შედარების სია მხოლოდ თქვენს ბრაუზერში ინახება.

შენახვის ვადა

• ანგარიშის მონაცემებს ვინახავთ, სანამ ანგარიში აქტიურია ან წაშლას არ მოითხოვთ;
• შეკვეთისა და გადახდის მონაცემებს — კანონით დადგენილი ვადით (საგადასახადო და საბუღალტრო მოთხოვნები);
• ანონიმურ სტატისტიკას — 13 თვე.

თქვენი უფლებები

უფლება გაქვთ:

• მიიღოთ ინფორმაცია, რა მონაცემებს ვამუშავებთ თქვენ შესახებ, რისთვის და ვის ვუზიარებთ;
• მიიღოთ მონაცემების ასლი;
• მოითხოვოთ არასწორი მონაცემის გასწორება;
• მოითხოვოთ დამუშავების შეწყვეტა, მონაცემების წაშლა ან დაბლოკვა;
• ნებისმიერ დროს გამოიხმოთ თანხმობა, მათ შორის — სარეკლამო შეტყობინებებზე.

მოთხოვნაზე 10 სამუშაო დღეში გიპასუხებთ. თუ მოთხოვნის შესრულება კანონის გამო შეუძლებელია, მიზეზს აგიხსნით. დარღვევის შემთხვევაში შეგიძლიათ მიმართოთ პერსონალურ მონაცემთა დაცვის სამსახურს ან სასამართლოს.

უსაფრთხოება

საიტი დაშიფრული კავშირით (HTTPS) მუშაობს, პაროლი დაშიფრული სახით ინახება, ანგარიშში შესვლა კი SMS კოდით დასტურდება. გთხოვთ, პაროლი და SMS კოდი არავის გაუზიაროთ.

არასრულწლოვნები

18 წლამდე პირმა შეკვეთა მშობლის ან კანონიერი წარმომადგენლის თანხმობით უნდა გააფორმოს. თუ ასეთი თანხმობის გარეშე გაფორმებულ ანგარიშს აღმოაჩენთ, გვაცნობეთ.

ცვლილებები

პოლიტიკა შეიძლება განახლდეს. მოქმედი ვერსია ყოველთვის ამ გვერდზეა, განახლების თარიღი — გვერდის ბოლოს.