დაბრუნება და გაცვლა

ონლაინ შეძენილი ნივთის დაბრუნება „მომხმარებლის უფლებების დაცვის შესახებ" საქართველოს კანონის შესაბამისად ხდება.

14 დღე — მიზეზის მითითების გარეშე

ნივთის დაბრუნება შეგიძლიათ მიღებიდან 14 კალენდარული დღის განმავლობაში, ყოველგვარი მიზეზის მითითების გარეშე.

პირობები

ნივთს უკან მივიღებთ, თუ:

• ის გამოუყენებელი და გაუაქტიურებელია, პირვანდელი სახით;
• თან ახლავს ყველა აქსესუარი და დოკუმენტაცია;
• ქარხნული შეფუთვა დაუზიანებელია.

ყუთის გახსნა და ნივთის დათვალიერება დასაშვებია — ოღონდ ისე, რომ შეფუთვა არ დაზიანდეს. თუ ნივთი გამოყენებულია, კომპლექტაცია აკლია ან შეფუთვა დაზიანებულია, მიზეზის გარეშე დაბრუნება არ მიიღება.

როგორ დავაბრუნოთ

1. 14 დღის განმავლობაში დაგვიკავშირდით (კონტაქტი) — მიუთითეთ შეკვეთის ნომერი და რომელი ნივთის დაბრუნება გსურთ.
2. შევათანხმებთ, როგორ დაგვიბრუნებთ ნივთს.
3. ნივთის მიღების შემდეგ შევამოწმებთ მის მდგომარეობას.
4. ნივთის ღირებულებას იმავე ბარათზე დაგიბრუნებთ, რომლითაც გადაიხადეთ — დაბრუნების განცხადებიდან არაუგვიანეს 14 დღისა. თანხის დაბრუნებას შეიძლება დაველოდოთ, სანამ ნივთს მივიღებთ.

მიწოდების ხარჯი

• მიზეზის გარეშე დაბრუნებისას ნივთის უკან გამოგზავნის ხარჯს მომხმარებელი იხდის. თავდაპირველად გადახდილი მიწოდების თანხა არ ბრუნდება.
• თუ ნივთი წუნდებულია, დაზიანებული მოვიდა ან შეკვეთას არ შეესაბამება, ყველა ხარჯს ჩვენ ვფარავთ.

რა არ ბრუნდება

მიზეზის გარეშე დაბრუნება არ ვრცელდება:

• CYCLØNE კომპიუტერებზე — როგორც მზაზე, ისე თქვენი კონფიგურაციით აწყობილზე;
• მომხმარებლის ინდივიდუალური შეკვეთით დამზადებულ ან მის პირად საჭიროებაზე მორგებულ ნივთზე;
• დალუქულ პროგრამულ უზრუნველყოფაზე, ლიცენზიასა და ციფრულ კოდზე, თუ ლუქი გაიხსნა ან კოდი გააქტიურდა;
• ჰიგიენის მიზნით დალუქულ ნივთზე (მაგალითად, ყურში ჩასადებ ყურსასმენზე), თუ მისი შეფუთვა გაიხსნა;
• ნივთზე, რომელიც მიწოდების შემდეგ სხვა ნივთს განუყოფლად შეუერთდა.

ეს გამონაკლისები გარანტიას არ ეხება — ქარხნული წუნის შემთხვევაში საგარანტიო პირობები მოქმედებს.

დაზიანებული ან არასწორი ნივთი

თუ ამანათი დაზიანებული მოვიდა, ნუ ჩაიბარებთ. თუ ჩაბარების შემდეგ აღმოაჩინეთ, რომ ნივთი დაზიანებულია, აკლია კომპლექტაცია ან სხვა ნივთი მოვიდა, მოგვწერეთ 3 დღის განმავლობაში — ნივთს ჩვენი ხარჯით შევცვლით ან თანხას დაგიბრუნებთ.