გარანტია და სერვისი

ქლაუდ მარკეტში შეძენილ ყველა ნივთზე მოქმედებს ორი სახის გარანტია: კანონით დადგენილი და მწარმოებლის.

კანონისმიერი გარანტია — 2 წელი

„მომხმარებლის უფლებების დაცვის შესახებ" საქართველოს კანონის თანახმად, თუ ნივთს მიღებიდან 2 წლის განმავლობაში ნაკლი აღმოაჩნდა, უფლება გაქვთ მოითხოვოთ მისი უსასყიდლო შეკეთება ან შეცვლა, ხოლო თუ ეს შეუძლებელია — ფასის შემცირება ან თანხის დაბრუნება.

თუ ნაკლი მიღებიდან 6 თვის განმავლობაში გამოვლინდა, ითვლება, რომ ის მიწოდებისასაც არსებობდა, სანამ საწინააღმდეგო არ დამტკიცდება. 6 თვის შემდეგ ამის დადასტურება მომხმარებელს ევალება.

მწარმოებლის გარანტია

ბევრ ნივთს დამატებით მწარმოებლის (კომერციული) გარანტია აქვს. მისი ვადა პროდუქტის გვერდზეა მითითებული. მწარმოებლის გარანტია კანონისმიერ გარანტიას არ ზღუდავს — ის დამატებითი შესაძლებლობაა.

CYCLØNE კომპიუტერებზე 2 წლის გარანტია მოქმედებს.

როგორ მივმართოთ

1. ნივთი მიიტანეთ მწარმოებლის ოფიციალურ სერვის ცენტრში. სერვის ცენტრის მისამართს თუ არ იცით, დაგვიკავშირდით (კონტაქტი) — გეტყვით.
2. თან იქონიეთ შეძენის დამადასტურებელი — შეკვეთის ნომერი ან ქვითარი („ჩემს შეკვეთებში" ნახავთ).
3. დიაგნოსტიკას, სერვის ცენტრის მიხედვით, 1–7 სამუშაო დღე სჭირდება. შედეგს და შემდეგ ნაბიჯს სერვის ცენტრი გაცნობებთ.

CYCLØNE კომპიუტერი: დაგვიკავშირდით — კომპიუტერს კურიერით წავიღებთ, დიაგნოსტიკას ჩავატარებთ და წუნდებულ კომპონენტს მწარმოებლის სერვისში ჩვენ გავგზავნით.

თუ მწარმოებლის გარანტიის ვადა გავიდა, მაგრამ კანონისმიერი 2 წელი ჯერ არ გასულა, ან სერვის ცენტრმა უარი გითხრათ, დაგვიკავშირდით — საკითხს ერთად მოვაგვარებთ.

ხარვეზის აღმოჩენისთანავე შეწყვიტეთ ნივთის გამოყენება — ასე დაზიანება არ გაღრმავდება.

შეკეთება, შეცვლა ან თანხის დაბრუნება

• საგარანტიო შეკეთება უფასოა.
• თუ ნივთის შეკეთება დიაგნოსტიკიდან 14 კალენდარულ დღეში ვერ ხერხდება, მას ახლით შევცვლით. თუ ნაწილი საზღვარგარეთიდან უნდა გამოიწეროს, შეკეთების ვადა შეიძლება 30 კალენდარულ დღემდე გაგრძელდეს — ამის შესახებ წინასწარ გაცნობებთ.
• თუ იგივე ნივთით შეცვლა შეუძლებელია, გადახდილ თანხას სრულად დაგიბრუნებთ.
• თუ ნივთს მიღებიდან 3 კალენდარულ დღეში ქარხნული წუნი აღმოაჩნდა და ამას სერვის ცენტრი დაადასტურებს, ნივთს შეკეთების გარეშე, ახლით შევცვლით.
• გარანტია ეხება კონკრეტულ წუნდებულ ნაწილს — მაგალითად, კომპიუტერში მხოლოდ დაზიანებული კომპონენტი იცვლება.

შეცვლისთვის ნივთი სრული კომპლექტაციით უნდა იყოს წარმოდგენილი.

გარანტია არ ვრცელდება

• ფიზიკურ დაზიანებაზე — გაბზარული, გატეხილი, ჩაჭყლეტილი, დამწვარი, დეფორმირებული ნივთი;
• სითხის, ორთქლის, ქიმიური ნივთიერების ან უცხო სხეულის მოხვედრით გამოწვეულ დაზიანებაზე;
• ძაბვის ვარდნით ან ელექტროქსელის გაუმართაობით გამოწვეულ დაზიანებაზე;
• ნივთზე, რომელიც თვითნებურად გაიხსნა ან შეკეთდა, დაზიანებულია ქარხნული ლუქი, ან არ იკითხება სერიული ნომერი;
• ოპერაციული სისტემისა და პროგრამული უზრუნველყოფის ხარვეზებზე;
• ექსპლუატაციის წესების დარღვევით გამოწვეულ დაზიანებაზე და ბუნებრივ ცვეთაზე;
• მონიტორის ჩამქრალ პიქსელებზე, თუ მათი რაოდენობა მწარმოებლის დასაშვებ ზღვარს არ აღემატება.

მნიშვნელოვანია

• ნივთში შენახული ინფორმაციის დაკარგვაზე პასუხს ვერ ვაგებთ — სერვისში გაგზავნამდე შექმენით მონაცემების სარეზერვო ასლი.
• თუ დიაგნოსტიკამ აჩვენა, რომ ნივთს ნაკლი არ აქვს ან შემთხვევა საგარანტიო არ არის, ტრანსპორტირებისა და დიაგნოსტიკის ხარჯს მომხმარებელი იხდის.
• ეს პირობები არ ზღუდავს „მომხმარებლის უფლებების დაცვის შესახებ" საქართველოს კანონით მონიჭებულ უფლებებს.